「為咗夢想，你可以去到幾盡？」這是電影《狂舞派》裡最令人印象深刻的對白。
土生土長於青衣28年的釀酒師阿達，由喜歡啤酒、到由零開始去學釀酒、再到釀製出一種專屬於青衣的手工啤酒，名叫〈春花落〉。
「我希望可以做到有個特產係代表青衣。」他說。
創作意念源自充滿回憶的青衣海旁
阿達自小流連青衣海旁，成長階段很多回憶都在那裡。「以前會喺長發打邊爐、飲啤酒。又會喺青衣海旁跑步。」後來我問他，為什麼要做啤酒，而不是其他呢？「以前夜晚想同朋友飲吓酒傾吓偈，青衣裡面都冇酒吧，唯一可以做嘅，就係去便利店買罐啤酒，同朋友去海旁啤一啤佢 。」因此他想到要做屬於青衣的啤酒，讓大家在半夜想找人傾偈時可以啤一啤﹗
夢想是免費的，但達成目標背後需要付出代價和犧牲，也需要計劃。
阿達大學畢業後花了九個月跟朋友一起踏單車環遊世界，增加對不同啤酒的認識。「到各地試過唔同嘅啤酒，想知道點做。」於是回港後到酒吧打工，寓工作於學習；後來更轉到啤酒廠，由零開始學習釀酒。
「咁啱依家工作嘅酒廠（HK Lovecraft）成立三周年，想推出屬於青衣嘅啤酒，就同青衣島民合作，創造出〈春花落〉手工啤酒。」
〈春花落〉誕生的背後
〈春花落〉的誕生除了酒廠和釀酒師阿達，也結合了青衣島民的參與——由味道到命名都是雙方合作的結果。HK Lovecraft跟阿達同樣相信作品需要跟地區連結，才會做得好。
「我哋同青衣島民一齊擺街站，收集街坊嘅故事，再構思點樣喺啤酒中呈現出來；例如島民提過以往青衣有種植菠蘿，我哋就將果香味加入啤酒；又例如罐上浮喺半空嘅青衣島、青馬大橋、春花車輪梅同埋將被鏟走建公屋的寮肚河，都代表青衣。」
阿達認為大多數人都覺得釀酒師是種很chill的職業，其實不是。「90%時間都喺度做厭惡性嘅工作，例如清潔，只有10%時間係做鍾意做嘅事。」 釀酒牽涉很多繁複的工序，也需要時間發酵，而這個步驟急不來，因為耐性很影響成品的質素，貪快只會失敗，這個重點教會他更有耐性、更專注於每個細節。
尤其手工啤酒，所用的低温發酵比一般啤酒所用的時間長。是什麼推動著阿達堅持下去呢？我不禁好奇問。
「釀酒係一種創作，可以按季節、味道等凸顯生命嘅能量—希望透過唔同嘅作品呈現想法，將自己嘅信念傳開去。」
送給香港的禮物
這兩年適逢移民潮盛，〈春花落〉正是為香港人而做。「想話畀離開嘅香港人知，雖然離開，但透過呢罐產於香港嘅啤酒，都可以得到一點點力量。」
「外國每個地方都有特產，香港好似無……希望〈春花落〉手工啤酒可以代表青衣，亦代表香港，送畀無論身在何方嘅香港人。」